Любыя косці

Інфармацыя

Раман Катрыны Зіле «Любыя косці» — гэта гісторыя жыцця жанчыны, якая захоўвае косці двух мужчын у мэблевай секцыі ў сябе дома. У атмасферным, прасякнутым магічным рэалізмам творы пераплятаюцца паўсядзённасць спальных раёнаў Вільні і літоўскі фальклор.

Час дзеяння рамана нявызначаны, умоўны. Жыццё тут сустракаюць і праводзяць у лазні шматкватэрнага дома, пастухі ездзяць на выган на тралейбусах, жывёл трымаюць у кватэрах, а хлеб пякуць проста на лесвічнай пляцоўцы, каля паштовых скрынак. У гэтым доме ладзяцца рытуалы і адбываюцца цуды.