Правілы карыстання

У склад Кніжнага вырая ўваходзіць два кнігазборы:

  • Паліца ў Прасторы на Мікалайскай, 4.
  • Паліца ў бібліятэцы па вуліцы Прызбы, 10.

Правілы карыстання кнігазборам на Мікалайскай, 4 (Прастора):

  1. Беларуская бібліятэка ў Прасторы з'яўляецца ўласнасцю Беларусаў у Кракаве. 
  2. У кнігазборы знаходзяцца кнігі для дзяцей і дарослых на беларускай мове, а таксама беларускамоўныя кнігі, якія ўключаюць у сябе пераклады на іншыя мовы. 
  3. Адным заходам можна пазычыць максімальна тры кнігі.
  4. Кнігамі з кнігазбору можна карыстацца бясплатна на працягу 30(+5*) каляндарных дзён. Па заканчэнні гэтага тэрміну кожны дзень пратэрміноўкі будзе каштаваць 0,50 зл.
  5. Кожны чытальнік бібліятэкі павінен клапаціцца аб стане кніг. Інфармацыю пра пашкоджанні неабходна дасылаць праз электронную пошту/інстаграм/каментары. Кожны выпадак разглядаецца індывідуальна.
  6. Пазычыць кнігі можна самастойна падчас мерапрыемстваў, якія адбываюцца ў Прасторы альбо ў вызначаных гадзінах працы бібліятэкі (субота 12-15).
  7. Каб карыстацца бібліятэкай неабходна зарэгістравацца на сайце, а пасля за кожным разам уваходзіць за дапамогай логіна і пароля.
  8. Каб пазычыць кнігу трэба выбраць яе ў каталозе. Можна карыстацца пошукам па назве кнігі.
  9. Зварот кніг адбываецца таксама праз сайт. Для гэтага трэба ўвайсці ў свой асабісты кабінет і націснуць адпаведную кнопку.
  10. Функцыянал сайта дазваляе бачыць, якія кнігі знаходзяцца на руках (пазначаныя шэрым колерам), а якія ёсць у наяўнасці ў адпаведнай лакалізацыі. 

* Хібнасць тры дні вынікае з абмежаванага доступу да прасторы. 

Правілы карыстання кнігазборам на Прызбы:

  • Паліца ў публічнай бібліятэцы з'яўляецца часткай фонда бібліятэкі Кракаў і падпарадкоўваецца яе агульным правілам карыстання. Каб пазычыць кнігі ў бібліятэцы трэба ў ёй зарэгістравацца. Рэгістравацца на сайце для гэтага неабавязкова, але мы просім і рэкамендуем гэта рабіць, каб зрабіць бачным для астатніх жадаючых актуальны статус даступнасці кніг. 
  • Для гэтага неабходна зарэгістравацца на сайце, а пасля за кожным разам уваходзіць за дапамогай логіна і пароля.
  • Пры пазычэнні кнігі трэба выбраць яе ў каталозе і націснуць адпаведную кнопку. Можна карыстацца пошукам па назве кнігі.
  • Зварот кніг адбываецца падобным чынам. Для гэтага трэба ўвайсці ў свой асабісты кабінет і націснуць кнопку "Зварот".