УЗНАГАРОДЫ БЕЛАРУСІ

Інфармацыя

У даведніку апавядаецца пра 23 узнагароды:

• шэсць ордэнаў: Герояў Беларусі, Усяслава Чарадзея, Нябеснай Апякункі Беларусі, Пагоні, Кастуся Каліноўскага, Жалезнага Рыцара;
• шэсць крыжоў: Змагання Тадэвуша Касцюшкі, Ахвярнасці Эміліі Плятэр, Партызанскі Народны, Свабоды, Адраджэння Беларусі (братоў Луцкевічаў), Добрасуседства;
• 11 медалёў: за баявыя заслугі, за адвагу, партызана, да 100-годдзя БНР, ордэна Пагоні, Няскораных Ларысы Геніюш, Сцяга імя Клаўдзія Дуж-Душэўскага, Францыска Скарыны, Гонар і Годнасць, за дапамогу Беларускаму войску, за плённую працу на карысць Беларусі.

Кожная ўзнагарода, акрамя графічнай выявы, змяшчае падрабязнае апісанне элементаў, а таксама спосаб нашэння. А ў выпадку ордэнаў – яшчэ і статуты супольнасці кавалераў і дам: «Вельмі важна падкрэсліць, што пад ордэнам, паводле гістарычнага вызначэння, а не так, як прынята ў савецкай ці лукашэнкаўскай традыцыі, мы разумеем не проста адзнаку на грудзях, але арганізацыю – супольнасць заслужаных асобаў Беларусі. Сябры гэтых супольнасцяў маюць браць удзел у грамадскім палітычным і культурніцкім жыцці дзяржавы і нацыі, стацца падмуркам дэмакратыі і незалежнасці».