Кніжны Вырай

Комікс як мова, і што трэба рабіць, как пачаць на ёй размаўляць

У межах лекцыі мы абакунёмся ў яскравы свет коміксаў, паглыбімся ў гісторыю з'яўлення гэтага жанру, а таксама разглядзім прынцыпы, якія яго сфармавалі. Разам мы адкроем сакрэты, што робяць комікс такім адметным у параўнанні з іншымі медыя. І, што самае цікавае, у канцы кожны_ая ўдзельнік_ца зможа паспрабаваць "загаварыць на мове коміксу"! Лектар: Мікіта СеннікаўЗаснавальнік творчага аб'яднання "Сучасны комікс", арганізатар зборніка "Легенды дрымучага лесу", аўтар вядомых коміксаў "Я бачу", "А-100 Комікс" і іншых. Але галоўнае – вялікі аматар коміксаў, гатовы заразіць сваёй любоўю да гэтага жанра кожнага, хто зазірне на сустрэчу! Калі: 8 верасня, 14:00 Дзе: Прастора, Мікалайская 4/6РэгістрацыяДля каго: Для ўсіх ахвотных ва ўзросце ад 10 да 99 год. Так-так, дарослыя таксама запрашаюцца!  Удзел: Бясплатны! Аднак, калі вы хочаце падтрымаць нашу ініцыятыву, мы заўсёды рады ахвяраванням.Сустрэча праходзіць у межах праекта "Як дома" ў межах The Europe Challenge 2024. Не прапусціце магчымасць абакунуцца ў свет коміксаў і стварыць свой уласны шэдэўр! 

Чытаць болей
Я прыду за табой у аўгусце

Запрашаем на чарговую сустрэчу нашага ўтульнага кніжнага клуба!Ужо 31, прабачце, аўгуста сустракаемся, каб абмеркаваць кнігу аўтарства Камілы Цень "Я прыду за табой у аўгусце".Разам з харызматычнай кантралёркай Зінаідай Юр'еўнай мы будзем разгадваць таямніцы і знаёміцца з загадкамі беларускага жыцця. Абмеркаванне абяцае быць цікавым!Заахвочваем зарэгістравацца - гэта дапаможа нам лепш арганізаваць сустрэчу. Прыходзьце, каб падзяліцца сваімі думкамі пра кнігу і проста пабыць у таварыстве людзей, якія любяць беларускую літаратуру! 

Чытаць болей
Кніжны Клуб

Мы запускаем кніжны клуб! 🎉Мы доўга збіраліся, чакалі таго самага моманту, шукалі таго, хто будзе апекавацца самымі цёплымі сустрэчамі пры кнігах і каве. І уявіце сабе - такі чалавек знайшоўся! І знайшоўся дзе? Сярод самых зачытаных наведвальнікаў нашай бібліятэкі! 🤗У межах нашага клубу мы хочам знаёміцца з тым бязмежным літаратурным сусветам, які ствараюць сучасныя беларускія аўтары. Але калі з’явіцца патрэба звярнуцца да класікаў, то абавязкова гэта зробім!🗓️ Ужо 28 чэрвеня а 17:30 мы сустрэнемся ў Прасторы, каб абмеркаваць першую кнігу. Гэта будзе “Па што ідзеш воўча” Евы Вежнавец. Так-так, тая легендарная, якая атрымала прэмію імя Ежы Гедройца, якую перавыдаюць, перакладаюць і пра якую ўжо не першы год гавораць, вось і нам захацелася… пагаварыць.📚 Дзе пачытаць?▫️Можна ўзяць у нашай бібліятэцы (але схапіць будзе складана)▫️Можна набыць у Кнігаўцы▫️Можна бясплатна паслухацьКалі ты ўсё яшчэ чытаеш гэты допіс, то наш кніжны клуб дакладна для цябе. Калі з’яўляюцца нейкія сумневы наконт таго ці падыдзе табе такі фармат, бо трэба ж умець размаўляць пра кніжкі, то проста зарэгіструйся на першую сустрэчу. З намі ты пераканаешся, што чытаць і абмяркоўваць гэта прыемна і цікава. Мы дакладна не будзем пытацца пра тэму, ідэю і асноўную думку твора, а вось асабістымі ўражаннямі абмяняемся.Акрамя таго, першым удзельнікам клуба дастануцца невялікія падаруначкі на добры старт.Прыходзь, будзе хораша! 😊

Чытаць болей